Die voordelestaat is 'n opsommingsdokument wat bestaan uit planinligting oor die belegging (s) van 'n kliënt. Die voordelestaat word jaarliks saam met belastingsertifikate aan kliënte versprei.

Belastinginligting (indien van toepassing op 'n produk, kan insluit):

Enige verwysing na ‘plan’ op hierdie staat beteken

Dit is die premie bedrag wat u tot ʼn plan bydra. In die geval van ʼn langtermynpolis staan dit as ʼn premie bekend.

Inligting is beskikbaar op die Sanlam-webwerf by www.sanlam.co.za/factsheetcentre.

In Februarie 2022 het die Minister van Finansies in sy Begrotingsoorsig aangekondig dat die perk op belegging in bates buite Suid Afrika veslap is tot ‘n algehele perk van 45% vir aftreefondse, versekeringsmaatskappye en ander institusionele beleggers. Voorheen was die buitelandse blootstellingslimiet vir aftreefondse 30% en ‘n bykomende 10% blootstellingslimiet vir beleggings in ander Afrika-bates buite Suid-Afrika.

Die strategiese bateverspreiding vir jou gekose belggingsfondse is gebaseer op die vorige 30% limiet vir buitelandse bates. ‘n Hersiening is gedurende 2022 onderneem om ‘n meer optimale strategiese bateverspreiding te vestig wat voorsiening maak vir die nuwe buitelandse blootstellingslimiet op jou Sanlam-beleggingsfondse. Vir meer inligting oor wat verander het, verwys asseblief na die artikel “Verandering van buitelandse bate blootstellings limiete” op die Sanlam-webwerf https://www.sanlam.co.za/retirementfunds.

Betalingsgroei is ʼn metode waardeur u jaarliks u betalings outomaties kan verhoog, byvoorbeeld teen ʼn vaste persentasie (%) of ʼn persentasie (%) wat aan die inflasiekoers gekoppel is. Die voordelestaat toon die groeidatums en die verhogingskoers vir elke plan aan.

Ja, ons bereken planwaardes, voordele en heffings en bestuur ʼn plan volgens die aktuariële reëls, soos deur die Wet op Langtermynversekering, 1998, vereis word.

Die fondswaarde gee ʼn aanduiding van die waarde van u plan. Die volle fondswaarde is nie noodwendig beskikbaar indien die plan voor die uitkeer- of opsiedatum beëindig word nie.

Indien die plan waarin u bydraes belê is aan die finansiële mark gekoppel is, sal u fondswaarde verhoog of verlaag soos die marktoestande verander.

U sal ʼn beëindigingswaarde ontvang. Hierdie waarde kan minder as die fondswaarde wees, is nie gewaarborg nie en kan oor tyd verander soos die fondswaarde verander.

Dit is ʼn portefeulje waarin beleggingsopbrengste deur middel van jaarlikse bonusverklarings stabiel gehou word. Bonusse bestaan uit ʼn vestigende gedeelte en ʼn nie-vestigende gedeelte. Vestigende bonusse kan nie verminder of weggeneem word nie. Nie-vestigende bonusse kan verminder of weggeneem word, indien die toestand van die finansiële mark sodanig verswak dat die versekeraar dit nodig vind.

Indien u voor die uitkeer- of opsiedatum onttrekkings maak, sal Sanlam ʼn vroeë beëindigingsheffing vorder. Die fondswaarde kan ook aangepas word om vir die onderliggende marktoestande voorsiening te maak en om regverdig teenoor die oorblywende lede van die fonds te wees.

Dit is ʼn fonds waarin beleggingsopbrengste deur middel van maandelikse bonusverklarings stabiel gehou word. Die fondswaarde is met uitkeer-, of die dood van die versekerde-, beskikbaar en geen van die bonusse wat tot die plan toegevoeg is, kan weggeneem word nie, selfs al verswak die finansiële mark. Vir onttrekking op enige ander tyd is die fondswaarde beperk tot die markwaarde van die onderliggende bates en kan dit dus laer wees.

ʼn Beleggingswaarborg op ʼn plan waarborg ʼn sekere opbrengs op die belegging. Byvoorbeeld, dit kan ʼn minimum opbrengs oor ʼn bepaalde tydperk, of ʼn minimum uitkeerbedrag, waarborg. Waar ʼn beleggingswaarborg tot ʼn plan toegevoeg is, word die bepalings van die beleggingswaarborg volledig in die plan se kontrak verduidelik.

Met dié unieke opsie is die eenheidsprys gewaarborg. Die fonds belê ten volle in die onderliggende effektetrust en die waarborg word teen ’n uitdruklike fooi verskaf. Die waarborgvlak hang af van die fonds se risikokategorie (versigtig, matig of matig aggressief).

Vir fondse in die versigtige risikokategorie maak die waarborg voorsiening dat die eenheidsprys wat gebruik word om die waarde van die belegging te bepaal, teen die einde van die beleggingstydperk nie minder as 95% sal wees van die hoogste eenheidsprys wat bereik is sedert die belegger se spesifieke beleggingstydperk begin het nie.

Vir fondse in die kategorie vir matige risiko sal die waarborgvlak 90% wees en vir matig aggressiewe fondse 80%. Vir die versigtige en matige risikokategorieë sal die waarborg bykomend verseker dat die eenheidsprys wat gebruik word om die waarde van die belegging te bepaal, teen die einde van die beleggingstydsperk minstens gelyk aan 100% van die eenheidsprys sal wees vanaf die derde werksdag waarop die beleggingswaarborg-opsie bygevoeg is, ongeag die prestasie van die beleggingsfonds.

Teen die einde van die waarborgtermyn sal die fondswaarde bepaal word as die aantal eenhede vermenigvuldig met die gewaarborgde eenheidsprys, sou dit hoër wees as die werklike eenheidsprys vir die fonds met die waarborg.

Dit is die waarde wat beskikbaar is indien u uit die aftreeplan tree voor die beplande aftreedatum wat op u voordelestaat aangetoon word. U mag se slegs na die ouderdom van 55 aftree.

Dit is die waarde wat beskikbaar is indien u u fondsvoordele na ʼn ander goedgekeurde aftreefonds laat oordra.

Dit is die waarde wat u sal ontvang indien u voor die ouderdom van 55 permanent ongeskik verklaar word.

Wanneer u uit die diens van u werkgewer bedank, sal u die beskikbare bedankingsvoordeel van die plan op daardie spesifieke datum ontvang. Die bedankingsvoordeel van kwalifiserende fondsplanne sluit demutualiseringsaandele in.

Ons beveel aan dat u professionele advies inwin oor die verskillende opsies wat met die betaling van u voordele beskikbaar is en die belastingimplikasies daarvan. Indien u op ʼn aftreevoordeel uit die uittree- annuïteitsfonds, pensioenfonds, voorsorgfonds, bewaringsvoorsorgfonds of bewaringspensioenfonds geregtig is, kan u ‘n gedeelte van die aftreevoordeel in kontant neem en die oorblywende aftreevoordeel moet gebruik word om ʼn produk wat u van ‘n inkomste na aftrede sal voorsien, aan te koop.

Ons sal met u op die relevante datum kommunikeer. Indien ons vasstel dat u nie reageer nie omdat u kontakbesonderhede verander het, sal ons die polis voortsit deur die uitkeeropbrengs in ’n stabiele beleggingsfonds te plaas met geen aandeleblootstelling nie en die inkomste sal in ’n rentedraende kontantfonds bly.

Ons sal ook alle stappe neem wat billikerwys verwag kan word om u op te spoor, volgens die “Standaard vir Onopgeëiste Voordele” wat deur die “Association for Savings and Investment South Africa” (ASISA), voorgeskryf word, beskikbaar op die webwerf www.asisa.org.za. Ons sal hierdie stappe gedurende die eerste 3 jaar ná die uitkeerdatum doen. Enige administratiewe en opsporingskoste sal van die voordeelbedrag afgetrek word en hierdie koste sal getoon word indien ’n betaling plaasvind.

Ons sal met die eiser kommunikeer sodra ons van die doodskennisgewing in kennis gestel is.

As die eiser nie op ons korrespondensie reageer nie, sal ons alle stappe neem wat billikerwys verwag kan word om die eiser op te spoor, volgens die “Standaard vir Onopgeëiste Voordele” wat deur die “Association for Savings and Investment South Africa” (ASISA), voorgeskryf word, beskikbaar op die webwerf www.asisa.org.za. Ons sal hierdie stappe gedurende die eerste 3 jaar ná die doodskennisgewing doen. Enige administratiewe en opsporingskoste sal van die voordeelbedrag afgetrek word en hierdie koste sal getoon word indien ’n betaling plaasvind,

Indien ’n spaar- en beleggingsbedrag betaalbaar is, sal dit rente verdien vanaf die datum waarop die eis geregistreer is. Die rente is gelyk aan die groei van ’n rentedraende kontantfonds.

Indien ’n risikobedrag betaalbaar is, sal dit rente verdien vanaf die datum waarop die eis goedgekeur is. Die rente is gelyk aan die groei van ’n rentedraende kontantfonds.

Indien die plan steeds aktief is wanneer u 80 jaar oud word, sal ons met u kommunikeer om vas te stel of u finansiële advies oor die plan benodig.

Indien ons nie van u hoor nie, sal ons aanvaar dat u kontakbesonderhede verander het en alle stappe neem wat billikerwys verwag kan word om u op te spoor, volgens die Standaard vir Onopgeëiste Voordele wat deur die “Association for Savings and Investment South Africa” (ASISA), voorgeskryf word, beskikbaar op die webwerf www.asisa.org.za. Ons sal hierdie stappe gedurende die eerste 3 jaar neem nadat ons vasgestel het dat ons nie meer u korrekte kontakbesonderhede het nie. Die plan sal gedurende hierdie periode onveranderd voortgesit word.

Indien die plan outomaties volopbetaald gemaak is (vanweë onbetaalde premies) en die polishouer daarna nie vir ’n periode van 5 jaar met Sanlam kontak gemaak het niesal ons alle stappe neem wat billikerwys verwag kan word om u op te spoor, volgens die “Standaard vir Onopgeëiste Voordele” wat deur “Association for Savings and Investment South Africa” (ASISA), voorgeskryf word, beskikbaar op die webwerf www.asisa.org.za.